口硬心软想复合 张柏芝仍叫谢霆锋老公

　　张栢芝上年同谢霆锋离婚，栢芝负责照顾一对囝囝Lucas同Quintus。呢排天气时晴时雨，小朋友好容易感冒，据知Lucas同Quintus轮住病，Quintus上个礼拜仲发烧要入养和留院，栢芝就要两边走照顾两个仔，霆锋日前亦漏夜去探Quintus。

      一直有传栢芝恨同霆锋复合，佢见霆锋去医院，就即刻系咁叫霆锋做老公。其实佢哋都离咗婚就嚟一年，栢芝仲唔肯改口，明显好恨箍煲。虽然栢芝成日死口话唔会复合，不过都系口硬心软。

　　日前又有人将栢芝戴住口罩同两个仔喺金钟买玩具嘅相放喺微博，栢芝经理人Emily马上转发，仲擦鞋大赞栢芝：「带孩子真不容易，佩服、佩服。」

　　失婚栢芝复出票房仆直，佢呢排没工开做番好妈妈凑仔，佢细佬张柏文就媾掂D奶模Jeana，佢哋一拍即合，仲玩埋同居。Jeana同柏文啱啱公开承认恋情，即有人报料话柏文结过婚，同前妻未搞好离婚就媾Jeana，三角关系乱到爆。柏文噚日解释话：「黐线，我以前帮婚纱公司做过代言人，坊间就误会我结咗婚，我三年前同另一个女仔拍拖，佢妈咪都问过我，最后我为证明单身，仲专登去攞寡佬证。」