朱茵产后首次现身 爱女取名叫黄莺(图文)

 　朱茵今日产后首度曝光，现身澳门以神秘嘉宾身份同古天乐、袁咏仪（靓靓）出席喜来登金沙城中心酒店活动。朱茵话：「生仔之前重咗成20磅，一生完就唔见咗17磅，真系恢复得好快。」

　　之前阿Paul唔肯讲个叫咩名、又唔肯讲几时出世，朱茵就话爱女叉烧包个名叫黄莺﹕「系我改嘅、英文名Debbie系阿Paul改嘅，『莺』系有智慧之鸟，所以我取呢个名；英文名就因为有位外国女歌手叫Debbie，阿Paul好欣赏，所以个女就改埋同一个名。」

　　依家佢两公婆有女万事足，乜嘢都系以个女为大，朱茵话：「个女出生时重6磅10安士，当佢出生时，听到佢把叫声，我同老公都忍唔住喊，每日望住个女就觉得好满足。依家一脚踢凑女，阿Paul都有帮手，不过我就没喂人奶，怕压力大 。」

　　朱茵话以后接工作会睇影唔影响凑女，而阿Paul就会更努力搵奶粉钱。