(图文)舒淇素颜逛超市 童真可爱

女星舒淇近年拍片忙，嚟紧下个月又有部新片《不再让你孤单》上映，前日见佢喺中环ifc超市行街街，一向性感嘅佢，呢一日却打扮简洁，T恤、牛仔裤加长褛，配副粗框眼镜，又将西瓜帽拉近眼眉位置，骤眼睇真係未必认得出。

舒淇喺超市左巡右巡，行到零食柜前即双眼发光，三扒两拨就扫满一车零食同饮品。排队畀钱时，佢嘅闪令令银包好抢眼，原来佢都锺意冧爆万千少女嘅Hello Kitty，呢个卡通公仔银包上镶满Bling Bling闪石，可爱又夺目，性感女神原来都有童真一面！畀钱后，舒淇唔愿做访问，继续佢嘅shopping行程。